«Այս տեմպերով հաջորդ քայլը լինելու է հակահետախուզության «Սմերշ» ջոկատների ստեղծումը». Դանիել Իոաննիսյան

ԻՔՄ համակարգող, Հանրային խորհրդի անդամ Դանիել Իոաննիսյանը ֆեյսբուքյան իր էջում գրել է. «Սովետական միությունում զինվորների՝ գերի հանձնվելու դեմ պայքարում էին իրենց հետո Սիբիր ուղարկելով, պատժելով:
Իսրայելում զինվորների գերի հանձնվելու խնդիր չկար, քանի որ ամեն զինվոր գիտեր, որ ամբողջ պետությունն իր մեջքի հետևում է կանգնած ու դիմադրելու դեպքում մարտում մենակ չի մնա:
Ու նաև դրա համար Սովետական միությունը հազիվ հաղթեց իրենից էապես ավելի փոքր Գերմանիային, իսկ Իսրայելը ջախջախեց իրենից շատ ավելի մեծ հարևաններին:
Կներեք, բայց Սովետական միության պես ոչ էֆեկտիվ պետություն ու բանակ կառուցելու շռայլություն երևի չունենք:
Հ.Գ. Այս տեմպերով, գերի ընկածներին դատելուց հետո, հաջորդ քայլը լինելու է հակահետախուզության «Սմերշ» ջոկատների ստեղծումը, որ հարձակման ժամանակ առաջ չվազող զինվորներին հետևից կրակեն»: