Ուրբաթ, 22 սեպտեմբերի, 2023 թ.
|
Ստեփանակերտում`   +15 °C

«Կալանավորելու մասին որոշումը 16 օր է չի տրամադրվում պաշտպանության կողմին». Միհրան Պողոսյան

«Կալանավորելու մասին որոշումը 16 օր է չի տրամադրվում պաշտպանության կողմին». Միհրան Պողոսյան
507
Հինգշաբթի, 16 դեկտեմբերի, 2021 թ., 14:42

Փաստաբան Միհրան Պողոսյանը ֆեյսբուքյան իր էջում գրել է. «Հանցագործությունից կամովին հրաժարման հայտարարություն. նյարդերի գերլարում է անհրաժեշտ, որպեսզի չտրվեմ էմոցիաներին ու հանցագործ չդառնամ, քանի որ ՀՀ վերաքննիչ քրեական դատարանում աշխատող մարդ կա, որ ինձ դրդում է ՀՀ քրեական օրենսգրքի 137.1-րդ հոդվածով նախատեսված արարք (ծանր վիրավորանք հասցնելը) կատարեմ...

Աշոտ Երկաթ Մինասյանին կալանավորելու մասին որոշումը 16 օր է չի տրամադրվում պաշտպանության կողմին... Հիշեցնեմ, որ ՀՀ Ձերբակալված և կալանավորված անձանց պահելու մասին օրենքի 3-րդ հոդվածի համաձայն՝ կալանավորվածներին պահելու վայրերում անձին պահելու հիմքը Քրեական դատավարության օրենսգրքին համապատասխան կայացված դատարանի որոշումն է՝ կալանավորումը որպես խափանման միջոց կիրառելու մասին:

Առանց սույն հոդվածի առաջին կամ երկրորդ մասով նախատեսված հիմքերի ձերբակալվածներին պահելու վայրերում կամ կալանավորվածներին պահելու վայրերում անձին ընդունելն ու պահելն արգելվում է:

Ինձ էնպես հետաքրքիր է, թե «Երևան-Կենտրոն» ՔԿՀ ինչի՞ հիման վրա է ընդունել ու պահում Աշոտ Մինասյանին...»:

Աղբյուրը`   Միհրան Պողոսյան