«Իշխանությունը երկիրը դարձրել է թուրք-ադրբեջանական տանդեմի «կերակուր»»․ Սենոր Հասրաթյան

Արցախի ՊԲ նախկին խոսնակ Սենոր Հասրաթյանը ֆեյսբուքյան իր էջում գրել է․ «Պետականության զգացողությունից զուրկ քաղաքացիների բնազդային դիրքորոշման արդյունքում 2021թ. հունիսի 20-ին Հայաստանը նորից դարձավ հազարավոր հայորդիների կյանք խլած և երկիրը պատառ-պատառ արած անհայրենիքների ենթակա բռնապետություն... Սա այլևս փաստ է և այն օր-օրի ավելի է դառնում մեր ինքնիշխանությունը խեղդամահ անող սեղմօղակ... Բայց, այսքանից հետո արդեն դժվար է կատարվածի և դեռ կատարվելիքի համար մեղադրել միայն այդ 680․000-ին... Այսօր պետք է զարմանալ այն հարյուր հազարավոր մտածող հայերի պահվածքից, որոնք այսքան ավերածություններից հետո անգամ, շարունակում են իրենց չեզոքությամբ մնալ հանդուրժող այդ անհայրենիքների իշխանությանը... Իշխանություն, որը երկիրը դարձրել է թուրք-ադրբեջանական տանդեմի «կերակուր» և օր-օրի մաս-մաս մեզ «խժռում» են...
Հ.Գ. Հետաքրքիր կլիներ իմանալ, թե այս անհայրենիքների իշխանությունից հոգնած, բայց միաժամանակ, խորհրդարանական ընդդիմության գործողությունները պասիվ համարող ու քննադատող հազարավոր քաղաքացիներից քանիսն են այսօր մասնակցել նույն այդ ընդդիմության կողմից հրավիրված հանրահավաքին...»։