«Ուկրաինայի հարցում «խաղադրույքները» էապես բարձրանում են»․ Հակոբ Բադալյան

Քաղաքական մեկնաբան Հակոբ Բադալյանի գրառումը․ «Ուկրաինայի հարցում «խաղադրույքները» էապես բարձրանում են: ԱՄՆ պետքարտուղարությունը բաց տեքստով զգուշացնում է ԱՄՆ քաղաքացիներին զերծ մնալ Ուկրաինա այցերից, քանի որ կա ռուսական ագրեսիայի մեծ վտանգ:
Զրույց են ունեցել Բայդենի խորհրդական Սալիվանն ու Պուտինի օգնական Ուշակովը: ԱՄՆ հայտարարում է, որ պատրաստ է Ռուսաստանի հետ դիվանագիտական քննարկումների տարբեր ձևաչափերով, բայց պետք է փարատվեն Ուկրաինայի հարցում մտահոգությունները: Թերևս կասկած չկա, որ Ռուսաստանն էլ նվազագույնը ակնկալում է Մինսկի համաձայնությունների իրականացում: Դա չափազանց բարդ բան է Ուկրաինայի որևէ իշխանության համար: Բայց չանելը թերևս նշանակելու է պատերազմ, որին Արևմուտք կարձագանքի ՌԴ հանդեպ նոր պատժամիջոցներով, բայց Ուկրաինային դրանից ինչ»: