Կմեկնարկեն հունվարին անցկացվելիք պետական ավարտական քննությունները
![]() 419 Չորեքշաբթի, 05 հունվարի, 2022 թ., 13:18 Հունվարի 11-ից կմեկնարկեն 2021-2022 ուսումնական տարվա՝ հունվարին անցկացվելիք պետական ավարտական քննությունները: 12-րդ դասարանում սովորողները հունվար ամսին կհանձնեն պետական ավարտական քննություններ. 1) «Հայոց լեզու և հայ գրականություն» առարկայից՝ գրավոր (թեստ), 11.01.2022թ., 2) «Հայոց պատմություն» առարկայից՝ գրավոր (թեստ), 12.01.2022թ., 3) «Մաթեմատիկա» առարկայից՝ գրավոր (թեստ), 14.01.2022թ., 4) Ռուսերեն («Ռուսաց լեզու», «Ռուս գրականություն»)՝ բանավոր (ռուսերենով ուսուցմամբ դասարանների համար), քննաշրջանի ընթացքում, 5) «Մայրենի լեզու և գրականություն» առարկայից՝ բանավոր (ազգային փոքրամասնությունների դասարանների համար), քննաշրջանի ընթացքում, սովորողի ընտրությամբ: Նշենք, որ 12-րդ դասարանի սովորողը հունվար ամսին կարող է հանձնել այն առարկաների պետական ավարտական քննությունները, որոնք չի ընտրել և չի ուսումնասիրելու 2-րդ կիսամյակում: Միասնական քննությանը մասնակցող սովորողը հունվարին պետական ավարտական քննություններ կարող է հանձնել այն առարկաներից, որոնք չի հանձնելու միասնական քննությունների համակարգով: Միևնույն առարկայից և՛ միասնական, և՛ պետական ավարտական քննություն հանձնելու դեպքում միջնակարգ կրթության ատեստատում գրվում է միասնական քննության ավարտական մասի գնահատականը (միավորը): Պետական ավարտական քննությունները կկազմակերպվեն քննական կենտրոններում: Քննության մասնակից սովորողները կբաժանվեն խմբերի. յուրաքանչյուր խմբում ընդգրկված սովորողների թիվը չի կարող գերազանցել 20-ը: Քննությունների ընթացքում խստորեն կպահպանվեն հակահամաճարակային կանոնները և սոցիալական հեռավորությունը: Նրանք, որոնք հունվար ամսին չեն հանձնի ավարտական քննությունները, կարող են դրանք հանձնել հունիսին: |
ՆԳ նախարարության կրթահամալիրի ռեկտորի պաշտոնում ընտրվել է Մանուկ Մուրադյանը
174Երեկ, 20:48ԵՊՀ ռեկտորն աշխատանքից ազատել է Աստվածաբանութան ֆակուլտետի դեկան Անուշավան սրբազան Ժամկոչյանին
159Երեկ, 19:36«ԵՊՀ-ում դադարեցվել է Ազգալդյանի անվան մարտական պատրաստության ակումբի գործունեությունը»․ Էդուարդ Գալստյան
171Երեկ, 14:42«Պաշտոնից ազատման ծանուցում եմ ստացել ԵՊՀ-ից»․ Էդուարդ Գալստյան
33509.07.2025, 16:00«Ամաչում եմ, որ դուք դեռ ԵՊՀ ռեկտորն եք»․ Խաչիկ Աբաջյան (լուսանկար)
33609.07.2025, 13:42«Կիրանցում Նիկոլ Փաշինյանին երկու ձեռքով բարևողին նոր պաշտոն են տվել». Ոսկան Սարգսյան
74202.07.2025, 13:48«Հայոց պատմություն» և «Ֆիզիկա» առարկաների քննությունների թեստերն ու պատասխանները
68827.06.2025, 16:12Այսօր դիմորդները քննություն են հանձնում «Հայոց պատմություն» և «Ֆիզիկա» առարկաներից
58527.06.2025, 08:54