Կիրակի, 22 մայիսի, 2022 թ.
|
Ստեփանակերտում`   +16 °C

Կյանքից հեռացել է նկարիչ Ռուբեն Արուտչյանը

Կյանքից հեռացել է նկարիչ Ռուբեն Արուտչյանը
125
Երկուշաբթի, 17 հունվարի, 2022 թ., 18:57

ՀՀ կրթության, գիտության, մշակույթի և սպորտի նախարարությունը խորը վշտով տեղեկացնում է, որ հունվարի 16-ին 75 տարեկանում կյանքից հեռացել է Հայաստանի վաստակավոր նկարիչ Ռուբեն Արուտչյանը:

Ռ. Արուտչյանը ծնվել է 1947 թվականին Երևանում: 1970 թ.-ին ավարտել է Երևանի պոլիտեխնիկական ինստիտուտի ճարտարապետական ֆակուլտետը: 1986-90 թթ. եղել է Գեղարվեստի ֆոնդի կերպարվեստի կոմբինատի գլխավոր նկարիչը: 1990-92 թթ. եղել է Երևանի գլխավոր նկարիչը, մասնակցել է հանրապետական և միջազգային բազմաթիվ ցուցահանդեսների: 1974 թ.-ից եղել է Հայաստանի ճարտարապետների, 1976 թ.-ից՝ Նկարիչների միությունների անդամ, 1995 թ.-ից՝ Դիզայներների միջազգային միության, 2011 թ.-ից՝ Աշխարհի հայ նկարիչների միության անդամ:

Ունեցել է բազմաթիվ ցուցադրություններ՝ 1994 թ. անհատական ցուցահանդես Երևանում, 1997 թ.՝ Մոսկվայում, ԱՄՆ-ում, Կանադայում և Երևանում, 2001 թ.՝ Ֆրանսիայում և այլն: 2004 թ. հեղինակել է Հայաստանի պաշտպանության նախարարության զինանշանը, 2006 թ.՝ Հոլոքոստի և Հայոց մեծ եղեռնի զոհերի հիշատակին նվիրված հուշաքարը, որը տեղադրված է Երևանի Օղակաձև այգում: Արժանացել է մի շարք պարգևների, մրցանակների, խրախուսանքների. 2012 թվականին արժանացել է Հայաստանի վաստակավոր նկարչի կոչման: