«Սահմանամերձ դաշտերը քարից էինք մաքրում՝ բնականաբար ձեռքով»․ Վահան Թումասյան

«Շիրակ կենտրոն» ՀԿ նախագահ Վահան Թումասյանը ֆեյսբուքյան իր էջում գրել է․ «Մեր սահմանամերձ տարածքներում գտնվող դաշտերը կրկին քարից էինք մաքրում՝ ձեռքով բնականաբար:
Առհասարակ Շիրակում և հատկապես Անիի անջրդի դաշտերում գյուղատնտեսության զարգացվածությունը առնվազն 1950-1960 թվականների մակարդակին է:
Հին, 100 տարվա, ջարդոնի ենթակա գյուղտեխնիկայով ենք յոլա գնում, այն էլ լավագույն դեպքում: Առհասարակ մեր կողմերում հացահատիկի մշակությունով զբաղվելը, ինչպես ասում են՝ դոնքիշոտություն է: Իսկ մի քանի մետրի վրա թուրքական տարածքում առնվազն 100 տարով առաջ են:
Քարհավաքող մեքենան մեր կողմերում նույնիսկ երազանքից մի բան էլ հեռու է, իսկ իրենք վաղուց դաշտերը մաքրել ավարտել են...»։