««Խաղաղության դարաշրջան». ես այդ բառը չեմ ընդունում». Սամվել Բաբայան․ «Իրավունք»
![]() 946 Չորեքշաբթի, 26 հունվարի, 2022 թ., 09:48 «Իրավունք» թերթը գրում է. «Արցախի ապագայի, ընտանիքի, զինվորի, ընկերության, երջանկության բանաձեւի, թիկունքից հարվածողների և թերթի մի շարք այլ բլից հարցերին պատասխանել է Արցախի Պաշտպանության բանակի նախկին հրամանատար, ռազմական, պետական եւ քաղաքական գործիչ, գեներալ-լեյտենանտ Սամվել Բաբայանը: Պարոն Բաբայան, հայրենիքն ի՞նչ է Ձեզ համար: Մոր նման անփոխարինելի: Իմ ծննդավայրը, իմ հայրենիքը: Զինվո՞րը: Զինվորը երկրի պաշտպանն ու երկիրը պահող պատվարը: Ընտանի՞քը՝ Ձեզ համար: Սրբության նման մի բան: Իսկ ընկե՞րը: Թիկունք, վստահություն: Ո՞վ կարող է լինել Ձեր ընկերը: Շատ անկեղծ, մաքուր մարդիկ, եզակի մարդիկ: Եթե մեկ բառով բնորոշեք ինքնեդ Ձեզ: Չեմ կարող: Ի՞նչը երբեք չեք ների: Սուտը, թիկունքից հարվածը: Մի բան, որի համար շատ եք ափսոսում: Անկեղծ ասած, չկա մի բան, որի համար ափսոսում եմ: Հաճա՞խ եք արտասվում: Ընդհանրապես չեմ արտասվում: Երջանկության Ձեր բանաձևը: Շիտակությունը, սկզբունքայնությունը: Ո՞վ է այն մարդը, ով գիտի Ձեր բոլոր գաղտնիքները: Չկա նման մարդ: Ո՞ւմ եք դիմում, երբ հուսահատ եք: Ինքս եմ միշտ փորձում ամենահուսահատ վիճակից ելք գտնել, ու հավատացեք, ստացվում է: Միշտ վախեցել եք... Դավաճանությունից, չհասկացված լինելուց, ճիշտ չընկալվելուց: Ձեր կյանքի ամենամեծ ձեռքբերումը: Իմ ընտանիքը, ժամանակին Արցախի ազատագրմանը հասնելը: Այսօր, ցավոք, մենք խնդիր ունենք Արցախի անկախությունը ապահովագրելու: Եթե մի քանի ժամով հայտնվեիք վարչապետի աթոռին, ի՞նչ կանեիք: Չեմ մտածել: Հավատո՞ւմ եք, որ թևակոխելու ենք «խաղաղության դարաշրջան»: Գիտեք, անկեղծ ասած, ես այդ բառը չեմ ընդունում: Ես հավատում եմ, որ մենք ունակ ենք, կարող ենք Արցախի անկախությանը հասնել, և որ Հայաստանը այլևս չծառայի, որպես բուֆերային գոտի: Ես հավատում եմ դրան և արել եմ հնարավորն ու անհնարը՝ այդ խնդրի լուծումները ակնհայտ դարձնելու համար: Եվ վերջում... Ուզում եմ, որ առաջնորդվենք ոչ թե կեղծ, այլ ռեալ օրակարգերով: Որպեսզի պետական այրերը կարողանան իրենց ռազմավարությունը ծառայեցնել հանուն հայրենիքի, ազգի ու ժողովրդի: Ես վստահ եմ, որ Արցախի անկախության լուծումը գտնելու ենք շատ կարճ ժամանակահատվածում»: Առավել մանրամասն՝ թերթի այսօրվա համարում
|
«Սարկոզին պատիժը կկրի մենախցում»․ #BFMTV
14013:17«Դե թող սրանից հետո «կրթվեն»»․ Գեղամ Մանուկյան
14812:42«Հիստերիան խոսում է մեկ բանի մասին՝ հավաքի ուղերձը տեղ է հասել»․ Քրիստինե Վարդանյան (լուսանկար)
13812:24«Դաշնակ պատգամավորը վերջապես մի օգտակար բան արեց»․ Արթուր Հովհաննիսյան
17312:21«Նշմարվում է, որ պետք է վեհարանը խուզարկեն»․ Վարազդատ Հարությունյան (տեսանյութ)
15711:12«Երեկ մի «բացահայտում» լսեցի՝ «ով ում մարդն է» թեմայի շրջանակում»․ Մարգարիտ Եսայան
17310:54«Բորենիներն ախպերացան նորից»․ Սյուզաննա Սիմոնյան (տեսանյութ)
19310:24Նեթանյահուն հայտարարել է առաջիկա ընտրություններում կրկին առաջադրվելու մասին
17710:13