Ուրբաթ, 22 սեպտեմբերի, 2023 թ.
|
Ստեփանակերտում`   +15 °C

«Լավագույն քայլ կլինի, որ Արմեն Սարգսյանը հետ վերցնի իր հրաժարականի դիմումը և հանդես գա կոշտ դիրքորոշմամբ»․ Աստղիկ Ավետիսյան

«Լավագույն քայլ կլինի, որ Արմեն Սարգսյանը հետ վերցնի իր հրաժարականի դիմումը և հանդես գա կոշտ դիրքորոշմամբ»․ Աստղիկ Ավետիսյան
478
Կիրակի, 30 հունվարի, 2022 թ., 15:14

ԵՊՀ ժուռնալիստիկայի ֆակուլտետի դոցենտ, բ.գ.թ., Հայկական PR ասոցիացիայի նախագահ Աստղիկ Ավետիսյանը ֆեյսբուքյան իր էջում գրել է. «Տեսնելով, թե ՀՀ նախագահի պաշտոնին ովքեր են հավակնում, հասկանում ենք, որ լավագույն քայլն այն կլինի, որ Արմեն Սարգսյանը հետ վերցնի իր հրաժարականի դիմումը և, վերջապես, օգտվելով ՀՀ նախագահի գրված և չգրված լիազորություններից՝ հանդես գա կոշտ դիրքորոշմամբ և նպաստի Հայաստանում քաղաքական նոր միջավայրի ձևավորմանը։ Քանի որ ՄԻՊ Արման Թաթոյանն այլևս չի կարողանա ի պաշտոնե հանդես գալ, նույն լիազորությունները պետք է օգտագործի որևէ գրագետ մարդ, ով կդառնա այլընտրանք։
Արմեն Սարգսյանի հաղորդակցության և հանրային կապերի մասնագետները պետք է հասկանան, որ բարի պապիկի կերպարն այս իրավիճակում մերժելի է։
Իսկ ԱԺ պատգամավորներն իրականությունից կտրված են և իրենց խոսույթում բացակայում է իրական վերլուծությունն ու իրավիճակը հասկանալու լրջությունը։ Այս ամենին պետք է վերջ դրվի»։

Աղբյուրը`   Աստղիկ Ավետիսյան