«Լավ կլիներ, որ Սերժ Սարգսյանը, ասենք, 2014-ին, ասեր՝ ժողովո՛ւրդ, քիչ-քիչ խախտվում է մեր և Ադրբեջանի ռազմական բալանսը»․ Անի Կաղինյան

Քաղաքացիական ակտիվիստ Անի Կաղինյանը ֆեյսբուքյան իր էջում գրել է․ «Ես լսեցի Սերժ Սարգսյանի ամբողջ հարցազրույցը և չստացա ինձ հուզող հարցերին որևէ պատասխան: Որ նիկոլն առանց համանախագահների ուղիղ բանակցել և պայմանավորվածություններ է ձեռք բերել Ալիևի հետ, դա գիտենք, որ 2018թ. Ադրբեջանից Հայաստան է փոխանցվել 210 000 000 դոլար դա էլ գիտենք, որ նիկոլի տղեն գնաց ԱՀ ծառայելու և ոչ մի կրակոց չկար, դա էլ գիտենք, որ նիկոլի կնիկը փամփուշտից զարդեր էր կախում վզից ու սպիտակ հագուստով գնում առաջնագիծ, դա էլ գիտենք, որ ի վերջո զրո կետից բանակցելը բերեց բանակցային գործընթացի փակուղու, դա էլ գիտենք, որ Տավուշի հուլիսի բլուրի գրավումը մեզ ներկայացրին դարի հաղթանակ և Ալիևին սադրեցին, դա էլ գիտենք, որ հետախուզությունը երկու ամիս առաջ տեղեկացնում էր, որ թշնամին պատրաստվում է լայնամասշտաբ պատերազմի դա էլ գիտենք, որ նիկոլը արայիկի հետ համատեղ այս աղետը բերեց մեր գլխին, դա էլ գիտեինք: Բայց լավ կլիներ, որ սենց զրույց օրինակ՝ Սերժ Սարգսյանը աներ, ասենք, 2014թ., ասեր՝ ժողովո՛ւրդ, քիչ-քիչ խախտվում է մեր և Ադրբեջանի ռազմական բալանսը, որ բանակցությունները մտնում են փակուղի, մեր դիմաց դրված է հետևյալ փաստաթղթերը, մեզ առաջարկում են սա, սա, հիմա մենք ազգովի գլուխ գլխի պետք է տանք և որոշենք, այնպես անենք, որ մեր կորուստները հնարավորինս ցավոտ չլինեն: Չէ՞ որ անկեղծ զրույցը, բացատրությունը կարող էր փոխել ամեն ինչ: Իսկ ի՞նչ էր արվում այդ տարիներին կեղծ քաղաքացիական հասարակություն էր ձևավորվում, կեղծ ակցիաներ ժողովրդավարություն էին խաղում և մարդ իրավունքներ, քրեաօլիգարխիան խժռում էր երկրի տնտեսությունը, հաճախորդները Բաղրամյան 26-ի պատերի տակ իրար հերթ չէին տալիս, կորսվում էր ամենաթանկը՝ ժամանակը, մտնում էին փակուղի, բայց ամենամեծ հանցագործությունը Նիկոլին իշխանություն տալն էր»: