«Ակնկալել այլ որոշում իշխանության համար թմբուկ խփողից, միամտություն կլիներ»․ Էլինար Վարդանյան

«Հայաստան» խմբակցության պատգամավոր Էլինար Վարդանյանի գրառումը․ «Հայաստանում դրվել են բռնապետության հիմքերը: Դատավոր Բախշիյանի կալանքը խիստ կանխատեսելի էր: Ակնկալել այլ որոշում իշխանության համար թմբուկ խփողից, միամտություն կլիներ: Քաղաքական պատվերը կատարված է:

Ժողովրդավարության անկումը տեղի է ունենում միջազգային կառույցների լուռ համաձայնությամբ:

Ժողովրդավարության անկումը տեղի է ունենում դատական համակարգի և իրավաբանական համայնքի հանդուրժողականության պայմաններում:

Ժողովրդավարության անկումը տեղի է ունենում հասարակության լայն շրջանակների լռության ներքո»: