«Այստեղ շատ կասկածահարույց խնդիրներ կան»․ Թագուհի Թովմասյան

«Բնականաբար, այն բոլոր մտահոգությունները, որ ես կարդացի Դավիթ Տոնոյանի հարցազրույցում, որը նա տվել է մի քանի լրատվամիջոցների, իսկապես մտահոգիչ է։ Փաստաբանների ահազանգն էլ եմ ուզում հնչեցնել, որոնք նշում են՝ թե Դ․ Տոնոյանը մեղադրյալի աթոռին է, ապացուցված չէ իր մեղքը, բայց շատ է խոսվում նրա դատավճռի մասին, որ նա իբրև արել է հանցանք և պետք է պատասխանատվություն կրի։ Անմեղության կանխավարկածի ակնհայտ ոտնահարում մենք ունենք, որը տարբեր մակարդակներում է արտահայտվել՝ ընդհուպ ԱԱԾ-ի կողմից տարածված հայտարարությունը, և այս պայմաններում փորձ է արվում դատական նիստերը դռնփակ անցկացնել։ Եվ հետաքրքիր է, եթե ԱԱԾ-ն դետալացված այդ քննության մասին տեղեկություն է տվել, մեղադրանքն ապացուցելու համար հայտարարություն է արել՝ ի՞նչն եք էլ դռնփակ անում։ Հետևաբար, այստեղ շատ կասկածահարույց խնդիրներ կան, և այնպիսի հարցեր կան, որոնք որ ունեն պարզաբանման կարիք»,- «Ազատության» ֆեյսբուքյան ասուլիսի ժամանակ ասաց ԱԺ «Պատիվ ունեմ» խմբակցության պատգամավոր Թագուհի Թովմասյանը՝ պատասխանելով օգտատիրոջ հարցին, թե ընդդիմությունն ում մասին ասես խոսում է, Դավիթ Տոնոյանի մասին ոչ մի խոսք չկա։