«Դատական համակարգի նկատմամբ կիրառվում է տեռոր»․ Հայկ Ալումյան

«Առնվազն անկողմնակալ դիտորդի տեսանկյունից դատավորը ունի կանխակալ բացասական վերաբերմունք Բերդ համայնքի ղեկավար Հարություն Մանուչարյանի նկատմամբ։ Այս պայմաններում դատավարություն սկսել և դատավորի կարգավիճակում հանդես գալ, դատարանը ուղղակի իրավունք չունի»,- լրագրողների հետ զրույցում ասել է Բերդ համայնքի ղեկավար Հարություն Մանուչարյանի փաստաբան Հայկ Ալումյանը՝ ցավ հայտնելով, որ այսօր դատական համակարգի նկատմամբ կիրառվում է տեռոր։

Ալումյանը տեղեկացրել է, որ Տավուշի մարզի ընդհանուր իրավասության դատարանը՝ նախագահությամբ դատավոր Սամվել Մարդանյանի, իր ներկայացրած ինքնաբացարկի միջնորդությունը մերժելու վերաբերյալ որոշում է կայացրել։