«Բավական կարևոր հայտարարություն է հայկական կողմից»․ Նաիրի Հոխիկյան

Լրագրող Նաիրի Հոխիկյանը գրում է. «Բավական կարևոր հայտարարություն է հայկական կողմից։ Սահմանագծում ու սահմանազատում երևույթը պետք է հնարավորինս ձգձգել, մինչև ոտքի կանգնենք։ Սա կամ հասկացել են մեր ԱԳՆ-ում, կամ Ռուսաստանն է ներքին խողովակներով հասկացրել։
Ոչ մի գերտերության հիմա ձեռնտու չէ փաստաթղթով հաշտություն մեր տարածաշրջանում, քանի որ դա կնշանակի արտաքին ուժերի դուրսբերում և թուրքական ներխուժում տնտեսական և այլ անվանումների տակ։
Մեզ էլ ձեռնտու չէ սահմանազատում ու սահմանագծում, քանի որ այդ դեպքում մենք Ադրբեջանին պաշտոնապես կհանձնենք Քարվաճառն ու Քաշաթաղը, որոնք հայկական պետության ողնաշարն են։ Վաղ թե ուշ այդ երկու շրջանները պետք է լինեն հայկական բանակի հսկողության տակ։ Փաստաթղթի դեպքում գլխացավանքը շատ կլինի»։