«Պատրաստվում ենք ևս երկու ադրբեջանցու մարմին փոխանցել»․ վարչապետ

«Վերջին մեկ տարվա ընթացքում ադրբեջանական կողմին է փոխանցվել առաջին պատերազմից հետո անհետ կորած համարվող 108 մարդու մարմին։ Առաջիկա օրերին պատրաստվում ենք ևս երկու մարմին փոխանցել։ Այս աշխատանքը սկսել ենք դեռևս 2020-ի մեկնարկին։ Մենք ակնկալում ենք, որ ոչ միայն Ղարաբաղյան առաջին, այլև 44-օրյա պատերազմի՝ մեր անհետ կորածների ճակատագրի պարզման հարցում նույնպես մեզ կհաջողվի համագործակցություն հաստատել։ 44-օրյա պատերազմից հետո ունենք 217՝ գտնվելու վայրն անհայտ անձ»,- այսօր ԱԺ-Կառավարություն հարցուպատասխանի ժամանակ հայտարարեց ՀՀ վարչապետ Նիկոլ Փաշինյանը՝ հավելելով, որ 108 մարմինները վերադարձրել են առանց նախապայմանի։

«Ականապատ դաշտերի քարտեզների դեպքում ևս նախապայմաններ չեն ունեցել, որ դա չդառնա սակարկության առարկա»,- նշեց վարչապետը։