«Ես ձեր թույլտվությունը չեմ հարցնում, չնկատեցի՞ք»․ Ալումյանը՝ դատավորին

«Մենք պահանջում եք մեղադրանքը պարզաբանեք։ Էս ի՞նչ եք անում»,- այսօր՝ «Սիլվայի գործով» դատական նիստի ժամանակ, հայտարարեց ՀՀ երկրորդ նախագահ Ռոբերտ Քոչարյանի պաշտպան Հայկ Ալումյանը։
«Էս պայմաններում մենք ո՞նց պիտի մեր պաշտպանյալի շահերից էստեղ հանդես գանք, եթե մեղադրանքը ոչ մեկիս պարզ չի, ձեզ էլ պարզ չի։ Դուք դատավարություն եք իրականացնում՝ չիմանալով ինչի մեջ ա մարդը մեղադրվում»,- ասաց նա դատավորին։
«Ես՝ որպես բողոքի նշան, էսօրվա դատական նիստին ներկա չեմ գտնվում»,- հավելեց Ալումյանը։
Դատավոր Աննա Դանիբեկանը հայտարարեց, որ թույլ չի տալիս լքել դահլիճը:
«Ես ձեր թույլտվությունը չեմ հարցնում, չնկատեցի՞ք»,- պատասխանեց Ալումյանը, որից հետո վերջինը Հովհաննես Խուդոյանի հետ լքեց դահլիճը։