«Ինքն ասել է այն, ինչ ուրիշները մտածում են». Քոչարյանը՝ Լուկաշենկոյի հայտարարության մասին

«Լավ եմ ճանաչում իրեն: Կարող եք նրան ընդունել, չընդունել, հարգել, չհարգել, բայց ինքն ասում է այն, ինչ մտածում է: Միշտ չի, որ պետության ղեկավարը պետք է ասի այն, ինչ մտածում է: Իհարկե, չպետք է այդ տոնով ասեր, կոռեկտության որոշակի բանը պետք է պահեր, բայց մենք պետք է իմանանք հետևյալը՝ ինքն ասել է այն, ինչ ուրիշները մտածում են. բոլորը մեր մասին այդպես են մտածում»,- ասել է ՀՀ երկրորդ նախագահը՝ անդրադառնալով Լուկաշենկոյի աղմկահարույց հայտարարությանը:

Հիշեցնենք՝ Բելառուսի նախագահ Ալեքսանդր Լուկաշենկոն, խոսելով Միութենական պետության կազմում նոր երկրների հնարավոր միավորման մասին, ակնարկել էր, որ Հայաստանը մեծ հավանականությամբ կմիանա դրան, որովհետև «ոչ մեկին պետք չէ». «Հայաստանը տեղ չունի գնալու։ Կարծո՞ւմ եք՝ նրանք ինչ-որ մեկին պե՞տք են։ Նրանք դա արդեն տեսան․․․»:

Ռոբերտ Քոչարյանն այն տեսակետին է, որ Հայաստանի՝ Միութենական պետության մաս դառնալու քննարկումներին պետք է վերաբերվել պրագմատիկ և որոշակի հաշվարկների հիման վրա: