«Այս ճակատագրական օրերին Ուկրաինային հուզում է իր էնդեմիկ մեղուն». Նաիրա Զոհրաբյան

Նախկին պատգամավոր Նաիրա Զոհրաբյանը գրում է. «Այս ճակատագրական օրերին Ուկրաինային հուզում է իր էնդեմիկ մեղուն. Ուկրաինա-Ռուսաստան հակամարտության ամենաթեժ պահին, երբ արևմտյան երկրները մեկը մյուսի հետևից էվակուացնում են իրենց դիվանագիտական կորպուսները, երբ Բայդենն արդեն հայտարարել էր Ուկրաինա ներխուժման Ռուսաստանի «պլանավորած» ժամը, երբ զորքերը բերված էին առաջին ռազմական տագնապի աստիճանի, Ուկրաինայի Ռադան քննարկում է ուկրաինական հատուկ սորտերի մեղուների էնդեմիկ բազա ստեղծելու հարցը։

Մի խոսքով՝ էս սաղ բոլոլան Ուկրաինայի մեղվին չի։

Ռադայի պատգամավոր Իլյա Կիվան պառլամենտի դահլիճից ներկայացնում է ուկրաինական մեղուներին նվիրված նիստի մանրամասները»։