«Հերթական հակառուսական ալիքը՝ թշնամական պետությունում». Վահե Գրիգորյան

Փաստաբան Վահե Գրիգորյանը ֆեյսբուքյան իր էջում գրել է. «ՌԴ արտգործնախարարության պաշտոնական կայքում և սոցիալական ցանցերի պաշտոնական էջերում Թուրքմենչայի հաշտության պայմանագրի տարեդարձի կապակցությամբ հրապարակված տեքստում Նախիջևանը և Երևանը նշված են որպես Արևելյան Հայաստանի մասեր: (Ինչը, իհարկե, բացարձակ ճշմարտություն է): Սա առաջացրել է հերթական հակառուսական ալիքը թշնամական պետությունում:

Ուշադրության է արժանի այն հանգամանքը, որ եթե կա Արևելյան Հայաստան, ապա ոչ միայն պատմականորեն, այլև քաղաքական տեսանկյունից էլ փաստորեն ՌԴ-ն ընդունում է, որ կա նաև Արևմտյան Հայաստան:

Ու այս ամենը տեղի է ունենում Ուկրաինայի շուրջ ստեղծված իրավիճակով պայմանավորված ռուս-թուրքական հարաբերությունների կտրուկ վատթարացման ֆոնին, ինչը չի կարող պատահականություն լինել, որովհետև քաղաքականության մեջ պատահականություններ չկան: Իմիջիայլոց, Հայաստանում կան բազմաթիվ պետական պաշտոնյաներ կամ իբր կրթական ոլորտի մասնագետներ, ովքեր, սպասարկելով թշանմու շահը ու պաշտպանելով թշնամու թեզը, Արևմտյան Հայաստանը համարում են Արևելյան Անատոլիա, ինչը բացարձակ կապ չունի գիտության հետ. այն ուղղղակի թշնամու թեզն է ընդդեմ Հայկականության: Ցտեսություն»: