«ՀՀ ԳՇ պետին աշխատանքից ազատելն առնվազն 2 բան կարող է նշանակել». Նաիրի Հոխիկյան

Լրագրող Նաիրի Հոխիկյանը գրում է. «Ինչպես սպասվում էր, աշխատանքից ազատվեց ՀՀ Գլխավոր շտաբի պետ Արտակ Դավթյանը։ Նրա նկատմամբ վերջերս քրեական գործ է հարուցվել և մեղադրանք առաջադրվել։ Սպասվում է, որ Նիկոլ Փաշինյանը կզոհաբերի իր հերթական ծառայողին՝ սեփական կաշին փրկելու և ջրից չոր դուրս գալու համար։ Արտակ Դավթյանը, ամենայն հավանականությամբ, շուտով կկալանավորվի։

Բայց ամենակարևորն այն է, որ համաշխարհային ռազմական բախումների այս փուլում, երբ Ուկրաինայի պատերազմի ֆոնին ամեն վայրկյան կարող է թշնամու ռազմական ներխուժում լինել ՀՀ և Արցախ, երբ Ադրբեջանը զորամիավորումների կուտակումներ է անում Նախիջևանում ու Քաշաթաղում, աշխատանքից ազատել ՀՀ բանակի ԳՇ պետին, առնվազն 2 բան կարող է նշանակել․

1․ ՀՀ քաղաքական իշխանության հիմարություն

2․ ՀՀ քաղաքական իշխանության դավաճանություն՝ բանակի համակարգային կազմաքանդում»։