«Կիևը հրաժարվել է բանակցություններից․ Պուտինը հրամայել է շարունակել առաջխաղացումը»․ Պեսկով

ՌԴ նախագահ Վլադիմիր Պուտինը փետրվարի 25-ին, Կիևի հետ սպասվող բանակցությունների կապակցությամբ, կարգադրել է դադարեցնել զորքերի առաջխաղացումը Ուկրաինայում, սակայն հակառակ կողմի երկխոսությունից հրաժարվելու պատճառով, շարժումը վերսկսվել է այսօր կեսօրին։ Այս մասին ՏԱՍՍ-ի փոխանցմամբ, այսօր, լրագրողների հետ զրույցում, հայտնել է ՌԴ նախագահի մամուլի քարտուղար Դմիտրի Պեսկովը։

Նա պարզաբանել է, որ քանի որ «իրականում ուկրաինական կողմը հրաժարվել է բանակցություններից, այսօր կեսօրին ռուսական հիմնական ուժերը վերսկսել են իրենց առաջխաղացումը՝ գործողության պլանին համապատասխան»։