Եվրոխորհրդարանն արգելափակում է բոլոր նավահանգիստները ռուսական նավերի համար

Եվրոխորհրդարանի անդամները կոչ են արել Եվրոմիությանը փակել միության բոլոր նավահանգիստները ռուսական նավերի համար։ Այս մասին ասվում է երեքշաբթի օրը Եվրոխորհրդարանի արտահերթ լիագումար նիստի արդյունքներով ընդունված բանաձևում՝ նվիրված Ուկրաինայում տիրող իրավիճակին։

Պատգամավորները պահանջել են «փակել Եվրոմիության նավահանգիստները ռուսական նավերի համար» և «արգելել մուտքը դեպի ԵՄ բոլոր նավահանգիստներ այն նավերին, որոնց նախորդ կամ հաջորդ կայանումը եղել կամ լինելու է Ռուսաստանի Դաշնությունում, բացառությամբ մարդասիրական նպատակներով հիմնավորված դեպքերի»։