«Եթե ղարաբաղյան պատերազմում Պուտինն ամբողջությամբ չէր բացել դեմքը, այստեղ ամբողջությամբ մերկ է». Ժաննա Ալեքսանյան

Իրավապաշտպան Ժաննա Ալեքսանյանի գրառումը․ «Մարդկությունը պայքարում է չարիքի դեմ, և մենք տեսնում ենք, թե ինչ դժվար է ազատվել չարիքից։ Չարիքը գործում է ներսում և դրսում, սա բանդիտական պատերազմ է, ինչպես նշում էր ռուս փորձագետներից մեկը, ռուսական բանակը կրթված չէ և որևէ չափանիշով չի առաջնորդվում, թելադրվում են պուտինյան մեթոդները՝ անխիղճ ու անմարդկային։ Ուկրաինացիներն անձնուրաց պայքար են մղում՝ իրենց հետևից տանելով աշխարհը։ Եթե ղարաբաղյան պատերազմում Պուտինն ամբողջությամբ չէր բացել իր դեմքը, այստեղ նա ամբողջությամբ մերկ է, այսպես կոչված, մեր դաշնակից երկրի ղեկավարը»։