«Էս կոնֆլիկտից շահումով դուրս եկողն ԱՄՆ-ն ու Բրիտանիան են». Կարեն Անտաշյան

Գրող Կարեն Անտաշյանը ֆեյսբուքյան իր էջում գրել է. «Էս կոնֆլիկտից միակ շահումով դուրս եկողը, իհարկե, ԱՄՆ-ն ու Բրիտանիան են, հենց իրենք էլ սարքեցին Ուկրաինայի գլխին։ Ինչպես տիկինն է ասում, Ռուսաստանի ներխուժումն արդարացում չունի, բայց դե էդ հրեշին կատաղացնողն ու պռովակացիաներով գործելու դրդողը նույնպես պետք է հիշատակվի իբրև մեղավոր։ Թեպետ և ուլտրաաջերի բերանով, բայց ամեն դեպքում գերմանացիք նույնպես բարձաձայնում են, որ էս պռոցեսը նախ և առաջ իրենց թուլացմանն է ուղղված։ Թե չէ Ռուսաստանն Արևմուտքի համար ընդամենը մեծ շուկա է, ոչ մի մեծ ռիսկ չի ներկայացնում իրենից՝ ի տարբերություն գերկազմակերպված ու զարգացած Գերմանիայի։

Բանախոսը ներկայացնում է Alternative für Deutschland, AfD (Այլընտևանք Գերմանիայի համար) ուլտրաաջ կուսակցությունն ու նրա դիրքորոշումը, ինչը, ենթադրաբար, դուրս է եվրոպական պոլիտկոռեկտության դիապազոնից»։