«ԱՄՆ-ն և ՆԱՏՕ-ն ամիսներ շարունակ պատրաստվում էին Ռուսաստանի դեմ հիբրիդային պատերազմ մղելու համար». Հակոբ Հակոբյան

ԱՀ ԱՆ կից միջգերատեսչական դատահոգեբուժական հանձնաժողովի նախագահ Հակոբ Հակոբյանը ֆեյսբուքյան իր էջում գրել է․ «Ռուսաստանի արտաքին քաղաքական քայլերը վարկաբեկելու տեղեկատվական արշավը և Ռուսաստանի դեմ տնտեսական պատժամիջոցների փաթեթներն ԱՄՆ-ի կողմից նախապատրաստվում էին դեռևս Ուկրաինայի ապառազմականացման և ապազգայնացման հատուկ գործողության մեկնարկից շատ առաջ: Եվրոպայում անվտանգության ապահովվում անվան տակ գործողությունների նպատակներն իրականում ոչ այլ ինչ են, քան Ռուսաստանի գլոբալ մեկուսացում և նրա ներքաղաքական ապակայունացում՝ տնտեսական իրավիճակից դժգոհության աճի և այդ խնդիրների մեղքն անձամբ և ամբողջությամբ Ռուսաստանի նախագահի վրա բարդելու միջոցով։ Կոնգրեսին ուղղված իր ուղերձում ԱՄՆ նախագահը, ըստ էության, խոստովանում է, որ ԱՄՆ-ն և ՆԱՏՕ-ն ամիսներ շարունակ պատրաստվում էին Ռուսաստանի դեմ հիբրիդային պատերազմ մղելու համար»։