«Հայաստանում այդպես էլ չի ձևավորվել կազմակերպված արևմտյան բևեռ». Իզաբելլա Աբգարյան

Երևանի ավագանու անդամ Իզաբելլա Աբգարյանի գրառումը. «Ուկրաինայի շուրջ իրադարձությունները ևս մեկ անգամ ապացուցեցին, որ Հայաստանում, ի տարբերություն, օրինակ, Վրաստանի, այդպես էլ չի ձևավորվել կազմակերպված արևմտյան բևեռ:

Կան ցաքուցրիվ, կշիռ չունեցող քաղաքական միավորներ, որոնք չեն կարող իրենց հետևից լայն զանգվածներ տանել, օրակարգ պարտադրել:

Տարիներ առաջ Տեր-Պետրոսյանը ոնց բնութագրել էր մեր արևմտամետ ռեսուրսը, այդպես էլ մնացել է: Եթե ճիշտ եմ հիշում, «լուսանցքային ուժեր» էր անվանել:

Նայեք Վրաստանը, որտեղ կա այդ բևեռը: Մեծաթիվ ցույցեր, օգնության հավաքագրում: Իսկ մեզ մո՞տ: Ֆեյսբուքում դրոշ դնել, Պուտինին քլնգել ու պրոուկրաինական հղումներով կիսվել: Արևմտամետների կողմից իրական արևմտյան արժեքներ չկրելն էլ մեկ այլ թեմա է»: