«Պուտինն ավելի արագ կործանում է Ռուսաստանը». Նարինե Մկրտչյան

Մամուլի ազգային ակումբի նախագահ Նարինե Մկրտչյանի գրառումը․ «Պուտինը կարող է ամեն օր ուկրիանական մի քաղաք ջնջել երկրի երեսից, կարող է հողին հավասարեցնել ողջ Ուկրաինան, սպանել կամ վտարանդիության մատնել ուկրաինացիներին, բայց Պուտինն ավելի արագ կործանում է Ռուսաստանը. ռուսական ռուբլին վերածվում է անարժեք թղթի, հարյուր հազարավոր մարդիկ գործազուրկ են դարձել, կորցնում են իրենց խնայողությունները, սնանկանում, Արևմուտքում ռուս շարքային քաղաքացին անգամ սկսել է ընկալվել որպես օտար ու թշնամի, ՌԴ քաղաքացիները սպանվում են խելացնոր պատերազմում, Ռուսաստանից, հնարավորության դեպքում, հեռանում են տասնյակ հազարավոր մարդիկ:
Ռուսաստանը դուրս է մղվում աշխարհի քաղաքական քարտեզից:
Պուտինը որոշել է իր հետ կործանել ոչ միայն Ուկրաինան, ոչ միայն Ռուսաստանը, այլև աշխարհը: Դատելով նրա վճռականությունից և խելացնորության աստիճանից՝ աշխարհի կործանումն արագորեն մոտենում է»: