Հունգարիան չի աջակցի Ռուսաստանի դեմ ԵՄ պատժամիջոցների երկարաձգմանը էներգետիկ ոլորտում

Բուդապեշտը պատրաստ չէ աջակցել Եվրոմիության հակառուսական պատժամիջոցներին էներգետիկ ոլորտում։ Այս մասին երկուշաբթի հայտնել է Reuters գործակալությունը՝ վկայակոչելով Հունգարիայի ֆինանսների նախարար Միխայ Վարգային։

Նրա խոսքով՝ «այդ ոլորտում պատժամիջոցների ընդլայնումը լուրջ վտանգ է ներկայացնում ֆորինտի (երկրի ազգային արժույթի) համար»:

Նախարարն ընդգծել է, որ ԵՄ-ի սահմանափակող միջոցներն արդեն իսկ զգալի վնաս են հասցրել հունգարական տնտեսությանը, մասնավորապես՝ ֆորինտին։ Երկուշաբթի օրը հունգարական արժույթը եվրոյի նկատմամբ իջել է ռեկորդային նվազագույնի (399 HUF 1 եվրոյի դիմաց մեկ օր առաջ 385 HUF 1 եվրոյի դիմաց):