ԵՄ-ն որոշել է պատժամիջոցներ կիրառել ռուսաստանցի 14 գործարարի և 146 սենատորի նկատմամբ

Եվրոմիությունը պատժամիջոցների նոր փաթեթ է ներկայացրել Ուկրաինայում Ռուսաստանի ռազմական գործողության պատճառով, հայտնում է Եվրոհանձնաժողովի կայքը։ Պատժամիջոցների ցուցակներում են հայտնվել 160 ռուսաստանցի՝ 14 անհատ, որոնց ԵՀ-ն անվանում է «օլիգարխներ և տնտեսության առանցքային ոլորտներում աշխատող հայտնի գործարարներ», ինչպես նաև Դաշնային խորհրդի 146 անդամներ, որոնք վավերացրել են Դոնեցկի և Լուգանսկի հետ բարեկամության համաձայնագրերը։ Ընդհանուր առմամբ, ԵՄ սահմանափակող միջոցներն այժմ կիրառվում են 862 ֆիզիկական և 53 իրավաբանական անձանց նկատմամբ։