WarnerMedia-ն կասեցնում է լիցենզավորումը, ֆիլմերի և խաղերի թողարկումը Ռուսաստանում

WarnerMedia մեդիա հոլդինգը, որը ներառում է HBO-ն, CNN-ը և Warner Bros-ը, դադարեցնում է Ռուսաստանում ֆիլմերի և խաղերի հեռարձակումը, լիցենզավորումը, թողարկումը, գրում է Variety-ն՝ հղում անելով գործադիր տնօրեն Ջեյսոն Քիլարի հայտարարությանը։
«Ռուսաստանի՝ Ուկրաինա ներխուժման պատճառով WarnerMedia-ն դադարեցնում է բոլոր նոր գործունեությունները Ռուսաստանում: Դա ներառում է մեր ալիքների հեռարձակումը դադարեցնելը, ռուսական ընկերությունների հետ նոր բովանդակության լիցենզավորումը և պլանավորված խաղերի և ֆիլմերի թողարկումը դադարեցնելը», - ասել է Ջեյսոն Քիլարը:
Նա նշել է, որ ընկերությունը հետևում է իրավիճակի զարգացմանը:
Ավելի վաղ հաղորդվում էր, որ Warner Bros. դադարեցրել է «Բեթմեն» ֆիլմի թողարկումը Ռուսաստանի կինոթատրոններում՝ Ուկրաինայում ստեղծված իրավիճակի պաճառով: