Մեծ Բրիտանիան պատժամիջոցներ է սահմանել Աբրամովիչի ու ևս վեց գործարարների նկատմամբ

Մեծ Բրիտանիան ընդլայնել է ՌԴ-ի դեմ պատժամիջոցները՝ «սև ցուցակում» ներառելով ևս յոթ ռուս գործարարների: ԱԳՆ հրապարակած փաստաթղթի համաձայն՝ սահմանափակումների տակ են հայտնվել «Ռոսնեֆտ»-ի ղեկավար Իգոր Սեչինը, «Գազպրոմ»-ի ղեկավար Ալեքսեյ Միլլերը, ՎՏԲ բանկի ղեկավար Անդրեյ Կոստինը, «Չելսի» ֆուտբոլային ակումբի սեփականատեր Ռոման Աբրամովիչը, ձեռնարկատեր Օլեգ Դերիպասկան (EN + Group), «Ռոսսիա» բանկի տնօրենների խորհրդի նախագահ Դմիտրի Լեբեդևը և «Տրանսնեֆտ»-ի ղեկավար Նիկոլայ Տոկարևը:

Վերոնշյալ գործարարների մուտքը Մեծ Բրիտանիա արգելվել է, իսկ Աբրամովիչին և Դերիպասկային՝ նաև արգելվել է ցանկացած գործարք՝ Բրիտանիայի ֆիզիկական և իրավաբանական անձանց հետ: