ASUS-ը դադարեցնում է համակարգիչների մատակարարումը Ռուսաստան

Այժմ ASUS անհատական ​​համակարգիչների մատակարարումը Ռուսաստան «գործնականում սառեցվել է». թայվանական ընկերությունը սա բացատրում է մատակարարման ողջ շղթայի և բանկային ծառայությունների հետ կապված խնդիրներով։

«ASUS-ը միշտ հետևում է միջազգային կանոնակարգերին, և այս իրավիճակը լուրջ խնդիրներ է առաջացրել մատակարարման ողջ շղթայում՝ լոգիստիկայի և բանկային ծառայությունների ոլորտում և հանգեցրել է նրան, որ մատակարարումները ռուսական շուկա այս պահին գործնականում դադարեցվել են»,- ասվում է ընկերության մամլո հաղորդագրության մեջ:

Միևնույն ժամանակ, ASUS-ի ներկայացուցիչը չի պատասխանել ուղիղ հարցին, թե արդյոք ընկերությունը որոշել է սահմանափակել իր բիզնեսը Ռուսաստանում և դադարեցնել առաքումը։ Այս պահին հաճախորդների սպասարկումն ընթանում է սովորական ռեժիմով, հաստատել են մամուլի ծառայությունից։