129 տարի անց վերելակաշինության հսկա #Otis-ը լքում է ռուսական շուկան

Վերելակների և շարժասանդուղքների արտադրությամբ զբաղվող ամերիկյան Otis ընկերությունը դադարեցրել է Ռուսաստանում նոր պատվերների ընդունումը և երկրում ձեռնարկության զարգացման գործում նոր ներդրումները, հայտնում է ընկերության կայքը:
«Վերջին իրադարձությունների և մատակարարման շղթայի շարունակական խափանումների ֆոնին մենք իրականացրեցինք մեր գործունեության վերագնահատումը Ռուսաստանում: Արդյունքում, մենք չենք ընդունում նոր վերելակների և շարժասանդուղքների պատվերներ, այս պահին մենք չենք նախատեսում նոր ներդրումներ այդ երկրում»,- ասվում է զեկույցում:
Ընկերությունը կշարունակի սպասարկել արդեն իսկ գոյություն ունեցող սարքավորումները Ռուսաստանի Դաշնության տարածքում:

Հատկանշական է, որ Otis-ի առաջին վերելակը Ռուսաստանում տեղադրվել է 1893 թվականին: Ալեքսանդր III ցարն այն տեղադրել էր ձմեռային պալատում: