ԱՄՆ-ն ընդլայնելու է Պուտինի շրջապատի դեմ պատժամիջոցները

ԱՄՆ-ը մտադիր է մոտ ժամանակներս ընդլայնել ռուս պաշտոնյաների դեմ պատժամիջոցների ցանկը, հայտնում է CNN-ը։

«Բայդենի վարչակազմը շարունակում է պատժամիջոցներ մշակել ռուս բարձրաստիճան պաշտոնյաների, ՌԴ նախագահ Վլադիմիր Պուտինի մերձավոր շրջապատում գտնվողների դեմ և ծրագրում է մոտ ապագայում ավելացնել թիրախների թիվը»,- ասվում է զեկույցում։

Ինչպես հայտնում է աղբյուրը՝ վկայակոչելով ԱՄՆ-ի մի քանի պաշտոնյաների, այս գործընթացը շարունակվում է, և այն հաշվի է առել Ուկրաինայի բարձրաստիճան պաշտոնյաների, մասնավորապես՝ նախագահ Վլադիմիր Զելենսկու կողմից ներկայացված կոնկրետ առաջարկները։

Անցյալ շաբաթ ԱՄՆ նախագահ Ջո Բայդենի հետ հեռախոսազրույցում Զելենսկին ներկայացրեց անձնական պատժամիջոցների ավելի կոնկրետ թիրախներ, ասել է պաշտոնյան, ուստի Բայդենի վարչակազմն այժմ աշխատում է այդ պահանջվող թիրախները լուծելու ուղղությամբ: