ՄԻԵԴ-ը դադարեցրել է Ռուսաստանի դեմ ուղղված բոլոր բողոքների քննարկումը

Մարդու իրավունքների եվրոպական դատարանը որոշել է կասեցնել Ռուսաստանի Դաշնության դեմ ուղղված բոլոր բողոքների քննարկումը։ Այս մասին ասված է ՄԻԵԴ-ի հայտարարության մեջ, գրում է European Truth-ը։

«Համաձայն Նախարարների կոմիտեի զեկուցման առ այն, որ Ռուսաստանի Դաշնությունը դադարում է լինել Եվրոխորհրդի անդամ 2022 թվականի մարտի 16-ից, դատարանը որոշեց կասեցնել Ռուսաստանի Դաշնության դեմ ուղղված բոլոր դիմումների քննարկումը, մինչև իր կողմից դատարանի աշխատանքի համար սույն որոշման իրավական հետևանքների քննարկումը»,- ասված է հաղորդագրությունում։