«Հստակ կհայտարարե՞ք, որ բանակցությունների ենք գնում՝ բացառելու Արցախի կարգավիճակը Ադրբեջանի կազմում». Ռուստամյանը՝ Միրզոյանին

ԱԺ արտաքին հարաբերությունների հանձնաժողովի արտահերթ նիստում, անդրադառնալով «Հայաստան» խմբակցության պատգամավոր Արմեն Ռուստամյանի՝ «կարո՞ղ եք հստակ հայտարարել, որ մենք բանակցությունների մեջ մտել ենք՝ բացառելու Արցախի կարգավիճակը Ադրբեջանի կազմում» հարցին, ՀՀ ԱԳ նախարար Արարատ Միրզոյանն այսպես պատասխանեց. «ՔՊ-ն բազմիցս հանդես է եկել բոլոր հարցերի վերաբերյալ իր պատկերացումներով, որոնք խարսխված են տարածաշրջանում խաղաղություն կառուցելու ու կայուն զարգացում ապահովելու ուղենիշի վրա... Մեզ համար սկզբունքային ու առանցքային է արցախահայության իրավունքների ու Լեռնային Ղարաբաղի կարգավիճակի հարցը»:

Ռուստամյանին չբավարարեց Միրզոյանի պատասխանը: