«Լուծումը` միջազգային խաղաղապահների տեղակայումն է». ԱԺԲ

Ազգային - Ժողովրդավարական Բևեռը հայտարարություն է տարածել. «Լուծումը միջազգային խաղաղապահների տեղակայումն է
Երեկ ռուսական և ադրբեջանական զավթիչները պայմանավորված կերպով համատեղ գործողություն են կատարել, ինչի հետևանքով ադրբեջանցիները գրավել են ՀՀ Արցախի մարզի Փառուխ գյուղը։
Ազգային-ժողովրդավարական բևեռը մշտապես ահազանգել է մի նոր Կոլցո գործողությամբ Արցախից մնացած առկա կտորը ևս հայաթափելու ռուս-թուրք-ադրբեջանական պլանի մասին։
Ստեղծված իրավիճակում աղետը կանխելու միակ լուծումն է՝ զավթիչ ռուսական զորքի փոխարեն տեղակայել միջազգային խաղաղապահներ։
Արցախում բնակվող մեր սիրելի հայրենակիցներին կոչ ենք անում ոտքի ելնել և Ստեփանակերտի խամաճիկային ռեժիմին ստիպել, որ վերջինս միջազգային խաղաղապահներ տեղակայելու խնդրանքով դիմի ՄԱԿ-ի Անվտանգության խորհրդի մշտական անդամ և ԵԱՀԿ Մինսկի խմբի համանախագահող երկրներ ԱՄՆ-ին ու Ֆրանսիային»։