«Քեզ ո՞վ էր ասում՝ տեղի տայիր». Արմեն Դուլյան

Լրագրող Արմեն Դուլյանը ֆեյսբուքյան իր էջում գրել է․ «Իսկ քեզ ով էր ասում՝ տեղի տայիր....

«Մեկ շաբաթ առաջ Ասկերանի շրջանի գյուղերում լարվածության ֆոնին ռուս խաղաղապահներն առաջարկել են այդ հատվածներից հանել և՛ հայկական, և՛ ադրբեջանական դիրքերը, որպեսզի լարվածությունը թուլանա։ Պայմանավորվածությունը կատարել է միայն հայկական կողմը, իսկ Ադրբեջանը, առանց ռուսական կողմի դիմադրության, առաջացել է այդ տարածքներում». Սամվել Բաբայան։

Գիտե՞ք ինչին է նման։ Երկու հոգի փողոցում կռվում են, երրորդը գալիս է, սկսում է բաժանել։ Մեկին փորձում է հանգստացնել, բայց չի ստացվում։ Բնականաբար, սկսում է հանգստացնել մյուսին, որն անմիջապես էլ տեղի է տալիս, մի հատ էլ վզակոթին ուտում է։ Ու սկսում բողոքել...

Դե արի ու մի ասա՝ համ ուզում ես «խաղաղության դարաշրջան» հաստատել քեզ ծեծողի հետ, համ էլ նեղսրտում ես, թե կերար վզակոթիդ.... Տո ա՛յ, արի ու մի ասա, «չստացվա՛ծ խաղաղասեր», քեզ ո՞վ էր ասում, որ տեղի տայիր...»: