«Ներկա պայթյունավտանգ իրավիճակն ամեն պահի կարող է փլվել բոլորիս գլխին». Արմեն Այվազյան

Մատենադարանի ավագ գիտաշխատող Արմեն Այվազյանի գրառումը․ «Արցախի (հետևաբար՝ ամբողջ Հայաստանի) համար այս օրհասական օրերին ՀՀ ՊՆ-ն ու ԳՇ-ն, փաստորեն, լիովին անջատված ու «չեզոքացված» են թե՛ տեղեկատվական, թե՛ ռազմաքաղաքական քաղաքականությունից։

Հայոց բանակի ու զինվորականության մեկուսացմամբ նիկոլական խունտան մեր պետական ինքնիշխանությունն իջեցրել է զրոյից ցածր մակարդակի նույնիսկ այն հարցերում, որոնցից անմիջականորեն կախված է հայ ժողովրդի կյանքն ու սեփական հողի վրա ապրելու իրավունքը։ Տիրող պայմաններում թմբիրը պատել է ժողովրդի մի զգալի հատվածին, իսկ փչացած ու տգետ «վերնախավերը» շարունակում են սեփական շահերից այն կողմ ոչինչ չտեսնել, չհասկանալ ու չձեռնարկել։ Այնինչ ներկա պայթյունավտանգ իրավիճակն ամեն պահի կարող է փլվել բոլորիս գլխին։

Ուստի լուծում պահանջող բազմաթիվ հրատապ խնդիրներից ամենաառաջինը ՀԱՅԿԱԿԱՆ ԲԱՆԱԿԻ ՎԵՐԱԴԱՐՁՆ Է՝ այս վերջին բառի բոլոր հնարավոր իմաստներով»։