Reserved և Cropp ապրանքանիշերի սեփականատերը փակել է խանութները Ռուսաստանում

3894

Երեքշաբթի, 29 մարտի, 2022 թ., 23:54

Լեհական մանրածախ առևտրային և հագուստ արտադրող LPP Group (ապրանքանիշերը Cropp, House, Mohito, Reserved և Sinsay) փակել է իր բոլոր խանութները Ռուսաստանում: Այս մասին ընկերությունը հայտնել է իր կայքում։

«Ընկերությունն ավարտել է Ռուսաստանում խանութները փակելու համար անհրաժեշտ գործառնական աշխատանքները և այսօր փակել դրանցից վերջինը: Այսպիսով, նախկինում արված հայտարարության համաձայն, վաղվանից ռուսական շուկայում կփակվեն LPP ապրանքանիշի բոլոր խանութները»,- ասվում է հաղորդագրության մեջ։