«Ո՞նց է ստացվում, որ բոլորը կողմ են խաղաղության պայմանագրին, բայց այն չկա». Արթուր Ղազարյան

Ծրագրավորող, մաթեմատիկոս Արթուր Ղազարյանը ֆեյսբուքյան իր էջում գրել է․ «Թվում է, թե Ադրբեջանին ամենևին էլ պետք չէ ո՛չ խաղաղության պայմանագիր, ո՛չ էլ ճանապարհների ապաշրջափակուն։ Հայկական կողմի ավելի հաճախակիացած այո-ները կամ միջկառավարական նիստերին մասնակցելը որևէ կերպ սայլը տեղից չեն շարժում։ Դեռ 2021-ի հունվարին, միջկառավարական հանձնաժողովի համար Պուտինը ժամկետ էր նշել ապաշրջափակման համար՝ դա պետք է լիներ մարտ ամիսը։ Մեկ տարի է անցել, դեռ ոչ մի ճանապարհ չի բացվել, անգամ պատրաստի ճանապարհները և երկաթգծերը, օրինակ՝ Իջևանից Ռուսաստան։

Ոնց է ստացվում, որ բոլորը կողմ են խաղաղության պայմանագրին, բայց այն չկա։ Նույնն էլ ապաշրջափակման հարցում։

Սա նշանակում է, որ կա՛մ հայկական ու ադրբեջանական կողմերն ուղղակի պեշկաներ են, ոչինչ չորոշող, կա՛մ էլ Ադրբեջանը դեռ այլ նկրտումների համար հարմար պահի է սպասում»։