Գերմանական Henkel ընկերությունը կշարունակի աշխատանքը Ռուսաստանում

1791

Երկուշաբթի, 04 ապրիլի, 2022 թ., 23:30

Գերմանական Henkel ընկերությունը, որի ստորաբաժանումները արտադրում են կենցաղային քիմիա և վերանորոգման ապրանքներ, կշարունակի աշխատել Ռուսաստանում, բաժնետերերի ժողովում ասել է ընկերության խորհրդի նախագահ Սիմոնե Բագել-Տրան։ Նրա խոսքերը մեջբերում է Reuters-ը։

«Հասարակությունը երբեմն դա շատ քննադատաբար է ընդունում: Ուստի ինձ համար կարևոր է ընդգծել, որ մենք լիովին կատարում ենք սահմանված բոլոր պատժամիջոցները»,- ասել է Բագել-Տրան։ Նա հավելել է, որ ընկերության ղեկավարությունը վերահսկում է աշխարհաքաղաքական իրավիճակի փոփոխությունները և անհրաժեշտության դեպքում կձեռնարկի հետագա քայլեր։

Մարտի սկզբին Henkel-ը հայտարարեց, որ դադարեցնում է ներդրումները Ռուսաստանում։ «Մենք լիովին կատարում ենք Ռուսաստանի և նրա կառավարության, ֆինանսական հատվածի դեմ ուղղված բոլոր պատժամիջոցները։ Բացի պատժամիջոցներից, մենք կսառեցնենք բոլոր ապագա ներդրումները Ռուսաստանում, օրինակ՝ տարածքների ընդլայնման համար»,- հայտնել են ընկերությունում։ Այն նաև դադարեցրել է գովազդը ռուսական պետական լրատվամիջոցներում և հովանավորչական գործունեությունը: Այնուամենայնիվ, ընկերությունը հայտարարել է, որ կշարունակի առաջին անհրաժեշտության ապրանքներ մատակարարել Ռուսաստան, ներառյալ՝ անձնական խնամքի միջոցները: