«Աննկարագրելի ու անասելի ծանրագույն ժամանակներում ենք ապրում». Մետաքսե Հակոբյան

Արցախի ԱԺ պատգամավոր Մետաքսե Հակոբյանը ֆեյսբուքյան իր էջում գրել է․ «Պաշտոնական լրահոսը տեղեկացնում է. ՀՀ վարչապետը լրագրողական վարպետությամբ, հանդիպման ժամանակ, ներկայացրեց, թե ինչ է կատարվում Արցախում (ալիևը տեղյակ չէ՞ր), դրանով հաստատելով, որ թշնամին կմնա Քարագլխում... ո՛չ մի խոսք Արցախի Հանրապետության կարգավիճակի մասին, ո՛չ մի խոսք ԵԱՀԿ Մինսկի խմբի մասին... չշեղվելով օրակարգից ու համատեղ սցենարից՝ «խաղաղության» դարաշրջանի և սահմանագծման ու սահմանազատման աշխատանքների մեկնարկի մոտալուտ իրագործում...Աննկարագրելի ու անասելի ծանրագույն ժամանակներում ենք ապրում... Սա ՀՀ վարչապետի ծրագիրն է, իմը՝ Արցախի Հանրապետության անկախության ճանաչումը, Արցախի Հանրապետությունում ապրելն ու այն սերունդներին փոխանցելը...»: