Ուրբաթ, 22 սեպտեմբերի, 2023 թ.
|
Ստեփանակերտում`   +15 °C

«Հանդիպման հայտարարությունն արձանագրում է մեր հերթական ձախողումն ու հետքայլը»․ Գ․ Աբրահամյան

«Հանդիպման հայտարարությունն արձանագրում է մեր հերթական ձախողումն ու հետքայլը»․ Գ․ Աբրահամյան
311
Հինգշաբթի, 07 ապրիլի, 2022 թ., 11:24

ԱԺ նախկին պատգամավոր Գայանե Աբրահամյանի գրառումը․ «Երեկվա հանդիպման պաշտոնական հայտարարությունն արձանագրում է մեր հերթական ձախողումն ու հետքայլը հիմնարար սկզբունքներից։ Չկա որևէ բառ կամ հղում Լեռնային Ղարաբաղի, այնտեղ ապրող բնակչության անվտանգության ու իրավունքների մասին, չկա հակամարտությունը որպես այդպիսին, չկա հակամարտության լուծման միակ լեգիտիմ մարմինը՝ ԵԱՀԿ ՄԽ-ն։ Բոլոր խնդիրները տեղափոխվել են բացառապես Հայաստան-Ադրբեջան տիրույթ, որը բոլորովին մեր շահերից չի բխում։ Հետքայլ է արվել նաև դեմարկացիա-դելիմիտացիայի գործընթացը սկսելու հիմնարար ու կենսական սկզբունքի մասով՝ ուժի չկիրառում և զորքերի հետքաշում ՀՀ սուվերեն տարածքից, որն էլ մայիսի 12-ից ի վեր արված սխալների հետևանք է։
«Խաղաղության պայմանագիր»՝ էթնիկ զտման ակնհայտ գործողություններով ու սպառնալիքի ուժով, սա իրականում բոլորովին այլ անուն ունի»։

Աղբյուրը`   Գայանե Աբրահամյան