«Տարբեր երկրներից դեպի Ադրբեջան բավականին մեծ քանակությամբ զենք և ռազմամթերք է տեղափոխվել»․ քաղաքագետ

Քաղաքագետ Արա Պողոսյանը ֆեյսբուքյան իր էջում գրում է. «Միջազգային հարթակներում Հայաստանի հետ բանակցությունների գոյության փաստն Ադրբեջանը միշտ օգտագործել է իբրև գործիք՝ հանգիստ զինվելու և ռազմական հզորություն կուտակելու համար։

Ադրբեջանը վերջին սրացումներն օգտագործել է բացառապես որպես միջազգային հանրության, ՀՀ իշխանությունների, տարածաշրջանային շահագրգիռ երկրների վերաբերմունքը շոշափելու ինդիկատոր։

Դեռևս միայն Իրանի Իսլամական Հանրապետությունն է հստակ ձևակերպել իր վերաբերմունքը։

Իսկ մինչ օրս տարբեր երկրներից դեպի Ադրբեջան բավականին մեծ քանակությամբ զենք և ռազմամթերք է տեղափոխվել։ Արդեն վերջինն Իսրայելից Ադրբեջան մեկնած ռազմական բեռնատար ինքնաթիռի փաստն է։

ՀՀ իշխանությունները չգիտեմ այս իմաստով ինչ են արել, կամ գոնե մտածում, բայց վստահ՝ հասարակությունն ինքը պետք է պատրաստ լինի հնարավոր զարգացումներին»։