«Միջազգային հանրությունը հստակ ասում է՝ Ադրբեջանի տարածքային ամբողջականությունը չճանաչելը մեծ վտանգ է ոչ միայն Արցախի, այլև ՀՀ-ի համար»․ Փաշինյան

«Ես չեմ ուզում նույն սխալները կրկնել, չեմ ուզում և չեմ կարչող այս մասին ուղիղ և անկեղծ չասել երկրի բարձրագույն օրենսդիր մարմնին ու ժողովրդին»,- այսօր՝ ԱԺ-ում ելույթի ժամանակ, հայտարարեց վարչապետ Նիկոլ Փաշինյանը։

«Այսօր միջազգային հանրությունը Հայաստանին հստակ ասում է՝ լինել աշխարհի միակ երկիրը, որը երկկողմ մակարդակով չի ճանաչում Թուրքիայի դաշնակից Ադրբեջանի տարածքային ամբողջականությունը, մեծ վտանգ է ոչ միայն Արցախի, այլև՝ Հայաստանի համար»,- նշեց նա:

«Այսօր միջազգային հանրությունը մեզ կրկին ասում է՝ մի փոքր իջեցրե՛ք Լեռնային Ղարաբաղի կարգավիճակի հարցում ձեր նշաձողը և միջազգային մեծ կոնսոլիդացիա կապահովեք Հայաստանի ու Արցախի շուրջ, հակառակ դեպքում, ասում է՝ խնդրում ենք մեր վրա հույս չդնեք՝ ոչ թե այն պատճառով, որ չենք ուզում ձեզ օգնել, այլ այն պատճառով, որ մենք չենք կարող ձեզ օգնել»,- ասաց Նիկոլ Փաշինյանը։