Ռուսաստանը վտարել է Չեխիայի դեսպանատան բարձրաստիճան դիվանագետին

691

Հինգշաբթի, 14 ապրիլի, 2022 թ., 00:36

Ռուսաստանում Չեխիայի դեսպան Վիտեսսլավ Պիվոնկան չորեքշաբթի օրը կանչվել է ՌԴ ԱԳՆ՝ ռուս դիվանագետին հանրապետությունից արտաքսման պատճառով։

«Նրան խիստ բողոք է ներկայացվել մարտին չեխական կողմի սադրիչ որոշման կապակցությամբ, երբ պերսոնա նոն գրատա հայտարարվեց Պրահայում ՌԴ դեսպանատան խորհրդական-բանագնացին»,- ասվում է ՌԴ ԱԳՆ հայտարարության մեջ։

Մոսկվայում Չեխիայի դեսպանատան բարձրաստիճան դիվանագետը հայտարարվել է պերսոնա նոն գրատա, նրան հրամայվել է լքել Ռուսաստանի Դաշնության տարածքը մինչև ս.թ. ապրիլի 16-ի օրը։