ԱՄՆ-ը ռուս գործարարներին չի վերադարձնի իրենց առգրավված ակտիվները

ԱՄՆ-ը մտադիր չէ բռնագրավված ակտիվները վերադարձնել պատժամիջոցների տակ հայտնված ռուսներին։ Այս մասին հայտարարել է ԱՄՆ նախագահի ազգային անվտանգության հարցերով խորհրդական Ջեյք Սալիվանը՝ ելույթ ունենալով Վաշինգթոնի տնտեսական ակումբում։

«Մեր նպատակը դրանք վերադարձնելը չէ, այլ ավելի լավ նպատակով օգտագործումը»,- ասել է Սալիվանը՝ հավաստիացնելով, որ ԱՄՆ-ը նոր միջոցներ է պատրաստում Ռուսաստանի պատժամիջոցներից խուսափելու համար։ «Առաջիկա օրերին մենք կկենտրոնանանք հարկերից խուսափելու վրա»,- ասել է նա: