«Ինքնիշխանությունը Հայաստանի դեպքում, և ինքնորոշումն Արցախի դեպքում մեզ համար կենսական են». Կարեն Ավագյան

ՀՀԿ-ական նախկին պատգամավոր Կարեն Ավագյանը գրել է․ «Արցախի և Հայաստանի պետականությունները հայ ժողովրդի անքակտելի իրավունքների միակ երաշխավորներն են։

Չի կարող լինել հայի կյանքի իրավունք, կրոնի, խղճի ու մտքի ազատության կամ անվտանգության իրավունք որևէ այլ միավորման շրջանակներում։

Այս իրավունքներն ապահովելու կոչված է և դրա իրական պատրաստակամություն կարող է ունենալ միայն ազգային պետականամետ ղեկավար ունեցող Հայաստանը։

Ինքնիշխանությունը Հայաստանի դեպքում, և ինքնորոշումն Արցախի դեպքում մեզ համար կենսական են։ Ամեն ինչ պիտի հենվի այս ելակետի վրա։ Մնացյալ ամեն ինչը կեղծիքի ստի ու կործանման ճանապարհներն են։

Հ. Գ. Բժշկության մեջ հայտնի փաստ է, եթե թերապևտիկ միջոցառումներն օգուտ չեն տալիս, ապա վիրահատությունն անխուսափելի է»։