Ինդոնեզիան՝ G20-ի գագաթնաժողովին Ռուսաստանի մասնակցության մասին

Ինդոնեզիան հայտնել է, որ G20-ի գագաթնաժողովին հրավիրված են բոլոր առաջնորդները, այդ թվում՝ Պուտինը
«Մեծ քսանյակի (G20) բոլոր երկրների ղեկավարները հրավիրված են ասոցիացիայի գագաթնաժողովին, այդ թվում՝ Ռուսաստանի նախագահ Վլադիմիր Պուտինը»։ Այս մասին հայտարարել է G20-ն այս տարի նախագահող Ինդոնեզիայի ֆինանսների նախարար Շրի Մուլյանի Ինդրավատին, փոխանցում է ՏԱՍՍ-ը։

Հիշեցնենք, որ ավելի վաղ Bloomberg-ը, հղում անելով աղբյուրներին, հայտնել էր, որ ԱՄՆ-ն ճնշում է գործադրել Ինդոնեզիայի վրա, որն այս տարի նախագահում է G20-ը, որպեսզի թույլ չտա Վլադիմիր Պուտինին մասնակցել ասոցիացիայի գագաթնաժողովին։